Herri Lagunkoiak Pertsona Nagusiekin
Bizipozen Herri Lagunkoien programak garatu eta ezartzen ditugu udalerrietan. Esperientzia dugu pertsona nagusientzako udalerri lagunkoiak sustatzen lan egiten duten erakundeei laguntzen.
Bizipoz Imsersok ziurtatutako
elkartea da, Pertsona Nagusien
Herri Lagunkoien programak garatzeko.
Bizipozen Herri Lagunkoien programak garatzen ditugu
Programaren alderdi guztiak zaintzen ditugu, diseinutik hasita martxan jarri arte. Pertsona nagusien parte-hartzea da proiektu hau eusten duen oinarri nagusia. Haien beharrak, pertzepzioak eta iritziak kontuan hartzen dira, udalerriaren analisi eta hobekuntza prozesu osoan zehar.
Programa bakoitza bakarra da, eta udalerri bakoitzaren beharren arabera diseinatzen da: udalerriak pertsona nagusiekin duen lagunkoitasuna sustatu nahi dugu, eta zahartze aktibo eta osasungarrirako baldintza egokiak bultzatu.
Muskiz, Legazpi eta Urretxu bezalako udalerrietan lan egiten dugu, programaren fase ezberdinak burutuz.
2022 urtarrila
programa definitu dira
ekintza planteatu dira
Egin zaitez pertsona nagusiekiko lagunkoiak diren udalerrien kide.
Bizipozen lan-metodologia
Ekimen hau garatzeko Osasunaren Mundu Erakundearen (OME) lan-metodologia jarraitzen dugu. Metodologia hau pertsonen osasunean eta bizi-kalitatean eragina duten zortzi ikerketa-arlotan oinarritzen da.
Aire zabaleko espazioak eta eraikinak
Garraioa
Etxebizitza
Parte-hartzea eta
gizarte-sarea
Errespetua eta
inklusioa
Herritarren
parte-hartzea eta enplegua
Komunikazioa
eta informazioa
Gizarte eta
osasun zerbitzuak
Bizipozen udalerriak laguntzen ditugu proiektuaren fase guztietan.
Prozesuan zehar, honako lan-faseak burutzen ditugu udalerrietan:
Diagnosia eta lagunkoitasun plana
Programaren lehen fase honetan, pertsona nagusiei eta udalerriko biztanleei galdetu diegu zeintzuk diren egunero aurkitzen dituzten trabak. Era honetan, udalerri bakoitza ebaluatu dezakegu, baita horren araberako Ekintza Plan pertsonalizatu bat identifikatu eta aurkeztu ere.
Aurrerapenen ebaluazioa
Programaren hirugarren fasean, egindako aurrerapenen ebaluazio-txosten bat aurkezten dugu, baita udalerriaren jarraipen-plan bat ere.
Plana eta ekintzak ezartzea
Programaren bigarren fasean, eta aurreko faseko ondorioak aztertuta, Ekintza Plan bat egiten dugu. Bertan biltzen ditugu pertsona nagusiekiko lagunkoiago izateko udalerriek burutu beharreko ekintzak eta hobekuntzak.
Etengabeko hobekuntza
Hirugarren faseko emaitzak lortzean, udalerrian hobekuntza jarraitua egiteko fasea hasten da, eta 5 urteko iraupena duen Ekintza Plan berria egiten da.
Zure udalerrian lan egitea nahi duzu?
Zer da Pertsona Nagusien Hiri eta Komunitate Lagunkoien Munduko Sarea?
Pertsona Nagusiekiko Lagunkoiak diren Hiri eta Komunitateen Munduko Sarea Osasunaren Mundu Erakundeak (OME) sustatutako proiektu bat da, zahartze aktiboa eta osasungarria sustatzen eta errazten duten ingurune eta zerbitzuak sortzera bideratua.
Estatu mailan, Imsersok zuzentzen du Pertsona Nagusiekiko Lagunkoiak diren Hiri eta Komunitateen Espainiako Sarea.
Nori dago zuzenduta Herri Lagunkoien programa?
OMEk zahartze aktiboa sustatzeko interesa duten erakunde guztiei zuzentzen die proiektu hau, haien inguruneak eta zerbitzuak hobetuz eta ikuspegi hori udal-plangintzan txertatuz.
Zer lotura dago Herri Lagunkoien eta Garapen Jasangarrirako Helburuen artean?
Herri Lagunkoiak 2030 Agendaren eta Garapen Jasangarrirako Helburuen esparruan kokatzen da. OMEk adierazi du GJHekiko konpromisoak «zahartze osasungarriarekin eta ebidentzian oinarritutako politikekin konpromisoa hartzea» esan nahi duela, «pertsona nagusien gaitasunak indartzeko eta haien ongizatea hobetzeko». Erakunde horrek 17 helburuetatik 9rekin lotzen du ekintza hori.
Aldi berean, OMEk Zahartze Osasungarriaren Hamarkada (2021-2030) jarri du abian. Azken helburu gisa, pertsona nagusien, haien familien eta bizi diren komunitateen bizitza hobetzea du helburu.
Zer da Euskadi Lagunkoia?
Euskadin, Herri eta Erkidego Lagunkoiak Euskadi Lagunkoia izenarekin ezagutzen dira. Eusko Jaurlaritzako Berdintasun, Justizia eta Gizarte Politiketako Sailak sustatutako ekimena da.
Hiri eta Komunitate Lagunkoien proiektuak modu integralean jorratzen ditu gure udalerri, herri eta hirien egunerokotasunari eragiten dioten alderdi guztiak.